1.

Singe verbindet, führt Mensche und Kulture zäme und berüehrt Herz und Seel.

Uf em härrliche Titelbild vom Programmheft schtrahlt sie hell erlüüchtet us dä winterliche Schtadt use! D' Konzertchile St. Johann isch Ort vom beliebte Wiehnachtskonzert vo dä Schaffhuuser Schule. 

HERZLICH WILLKOMME!

2.

Jo. wenn Chinde und Jugendlichi singed und musiziered, dänn got d'Seel und s'Härz wiit uf. Musik verbindet, Musik macht Begegnige möglich, Brugge wänd mir baue - vo Mensche zu Mensche und Ihr, liebi Chind und Jugendlichi schänked üs hüüt wieder so en Moment. 

3.

Wiehnacht isch ä Ziit, wo mir persönlichi Moment mitenand teiled und Erinnerige uustusched, wo für üs uf Joohr use Bedütig ha wärded. 

Wiehnacht isch ä Ziit, d'Wält mit dä Auge vo dä Liebi z'betrachte. Es isch ä Ziit, wo mir üs druf besinned, dass d'Wält us Mänsche we dir und mir beschtooht - wo mir so sötted gseh, wie sie im Innerschte würklich sind. So we mir sälber händ alli Mänsche Freude und Sorge. Ihri Härze sind genauso zerbrechlich we üser eigenes, ganz egal, wer sie sind, wohär sie chömmed und wo ane sie gönd. 

Wiehnacht isch ä Ziit für Herzensfreude. Es isch ä Ziit vo dä dankbare Bsinnig a all da Gueti, wos vergangeni Joohr üs broocht hät. 

Und Wiehnacht isch ä Ziit, Mänsche in Not z'hälfe und - nüt zrugg z'erwarte. 

Dänked mer drum i däre Wiehnachtsziit vor allem au a di viele Chinde uf däre Wält wos nid eso guet goot we üs do in Schaffhuuse. 

4.

Ich wett herzlich danke! Em OK under dä Leitig vom Kantirektor Dr. Urs Saxer mit dä Brigitta Steinmann, em Ueli Waldvogel Herzig, dä Beatrice Zeindler vo dä Kanti

Yvette Padovan, (Kindergarten Neubrunn), Jacqueline Wendle und Nicole Krebs (Kindergarten Charlottenfels Neuhausen), Vaclav Medlik (Trompetenensemble), Dieter Huber und Markus Stump (Oberstufe Thayngen), Nicolas Gschwind (Novello) und dä Gilbert Zosso und Victor Stidwill (Primarschule Rosenberg Neuhausen) 

En ganz en grosse Dank goht natürlich vor allem au a alli Mitwirkende, d'Chind und di Jugendliche vo dä Verschiedene Schuele und vo dä Kantonsschuel mit ihrne Leitige. 

Dänn aber au a d' Solischtin Christiane Mathé (am Klavier und a dä Orgle),  

Jo, bi PISA isch jo Läse, Mathematik und Naturwüsseschafte prüeft worde und Schaffhuuse isch a dä absolute Schpitze gsii vo üserm Land. Do druf chönd mir alli schtolz si und üsene Lehrer und Schüeler härzlich gratuliere zu däre Meischterleischtig. Ich bi überzüügt, dass mir au im Fach Musik und Singe hervorragend abgschnitte hettid, wenn me au da no prüeft hetti!.

5.

Ohne grosszügigi Sponsore wär da musikalisch Fäscht vo dä Besinning nid möglich. Mir freued üs sehr über Ihres Engagement für ä unvergesslichi und wertvolli Sach. Chind, wo zäme musiziered zum Wiehnachtsfäscht. Wa git's Schöneres?  

Unterstützt händ da: 

D' Schaffhuuser Kantonalbank, d' Cilag, di Städtische Werk SH/NH,  

d' sasag Kabelkommunikation, Schtadt und Kanton Schaffhausen  

und d' Mediepartner Radio Munot, Schaffhuuser Fernsehe und d' Schaffhuuser Nachrichten.

6.

Ich freu mich, dass ich hüt zäme mit minere Regierigskollegin RR Ursula Hafner-Wipf und ………………………………………………………………………………………………….. und Ihne allne debii si darf wenn fiirlichi und fröhlichi Musik die wunderbare Chile St. Johann erfüllt und mir es Lüüchte in dä Auge vo dä Chind und Jugendliche törfed erläbe. Ich wünsche Ihne allne mit Ihrne Familie zäme liechtvolli Wiehnächsttäg und en schtille und gfreute Übergang is neui Jooh 2012. Möged d'Schtärne für Sie alli lüüchte, we die 27 Liechter do obe a mir.

7.

Tönd Sie eme andere Mänsch öppis Guets und erwartet Sie nüt zrugg. Liebi Chind, Jugendlichi und Erwachseni, hälfed Sie alli mit, dass Wiehnachte ……….. tatsächlich es Fäscht vo dä Liebi und vom Friede wärde cha!

Wiehnacht isch ä Ziit, Mänsche in Not z'hälfe und - nüt zrugg z'erwarte.